Maradala O Maradala

ఆ బ్రహ్మ నీ బొమ్మ నాకోసమే చేసినాడే నిన్ను నాలాగ ప్రేమించే పిచ్చోడు ఇంకోడు లేడే గుండెల్లో నినుపెట్టి గుడిగట్టుకున్నాను సూడే నిన్ను సూడకుంటే ఈడు ప్రాణాలతో ఉండలేడే నీ ముసిముసి నవ్వుల మెరుపుని నేనై, చేతి గాజుల సవ్వడి నేనై, కంటి అంచుకున్న కాటుక నేనై, కాలికి పండిన గోరింట నేనై నిలిసి ఉంటనే నీతోనే, మరిసిపోనని మాటిస్తున్నానే, మరదలా, ఓ మరదలా నా బంగారుకొండా నువు సల్లగుండా మరదలా,పూల వరదలా నువ్వు నిండిపోయావే నాగుండెనిండ ఆ బ్రహ్మ నీ బొమ్మ నాకోసమే చేసినాడే నిన్ను నాలాగ ప్రేమించే పిచ్చోడు ఇంకోడు లేడే చిన్ననాటి మన ఆటలు అన్ని, గుండెల్లో పదిలంగా దాసుకున్నానే, నీ చిన్ని అడుగులు ముద్దు మాటలు గడికోసారైనా తలుసుకుంటానే నోరు తెరిసి నువ్వు అడిగినావంటే సుక్కలు తెంపి సేతికిస్తనే నీ కాలు కందకుండ చూసుకుంటనే కన్నీరు రాకుండా కాపుకాస్తనే ఒక్కసారి బావా అంటూ ప్రేమగా నన్ను తలిచి సూడవే, రెక్కలే కట్టుకోనైనా చిటికెలో నీ ముందు వాలిపోతనే, యుద్ధమే ఎదురైనగానీ పోరాడి నిన్ను గెలుసుకుంటనే ప్రాణమే ఇడిసేస్తగానీ, నిమిషమైన నిన్ను ఇడిసి ఉండనే... మరదలా, ఓ మరదలా నా బంగారుకొండా నువు సల్లగుండా మరదలా,పూల వరదలా నువ్వు నిండిపోయావే నాగుండెనిండ ఆ బ్రహ్మ నీ బొమ్మ నాకోసమే చేసినాడే నిన్ను నాలాగ ప్రేమించే పిచ్చోడు ఇంకోడు లేడే సిగ్గు పడుతు నువ్వు ఇసిరేటి సిరునవ్వు వలవేసి నీవైపు లాగుతున్నదే నిన్ను సూడకుంటే నిండు పున్నమైన సిమ్మ సీకటనిపిస్తున్నదే, నా ఇంటి గడప నీ రాక కోసమని వెయ్యి కళ్ళతోటి చూస్తున్నదే మూడు ముళ్ళు వేసి నిన్ను ముద్దులాడాలని మనసేమో ఆరాట పడుతున్నదే పొద్దుపొడిసి వాలే దాకా నువ్వు తప్పవేరే ధ్యాస ఉండదే కళ్ళనిండ నీరూపు ఉండగ నిద్దుర నా దరికి రాను అన్నదే ఎన్ని వేల జన్మలకైనా నా గుండె నీ జంట కోరుకుంటదే, నువ్వు నాకు దక్కకపోతే,.. ఆఊహకే ఊపిరాగిపోతదే.... మరదలా, ఓ మరదలా నా బంగారుకొండా నువు సల్లగుండా మరదలా,పూల వరదలా నువ్వు నిండిపోయావే నాగుండెనిండ ఆ బ్రహ్మ నీ బొమ్మ నాకోసమే చేసినాడే నిన్ను నాలాగ ప్రేమించే పిచ్చోడు ఇంకోడు లేడే