Manchalakatta Hanuman Harathi

మంగళం మంగళం అభయాంజనేయ , మంచాలకట్ట మహిమాంజనేయ .. మంగళం మంగళం ఆనందదాత మంగళం మంగళం అభయప్రదాత మంగళం మంగళం ఆద్యంతరహితా మంగళం మంగళం అతివజ్ర దేహా మంగళం మంగళం అభయాంజనేయ మంచాలకట్ట మహిమాంజనేయ మంచాలకట్ట లో ఆవిర్భవించి .. మా ఇంటి దైవమై మమ్మాదరించి … నీ దృష్టి తో మాకు రాముణ్ణి చూపి … నీ తలపు తో మాకు సీతమ్మ తెలిపి … లక్ష్మయ్య నే మాకు లక్షంగ నిలిపి …. ఆదరించిన స్వామి దయచూడవయ్యా ! మంగళం మంగళం అభయాంజనేయ , మంచాలకట్ట మహిమాంజనేయ … నీ భక్తి పుణ్యాన సీతమ్మ దొరికే .. నీ శక్తి చలువన లక్ష్మయ్య బ్రతికే .. శ్రీ రామకార్యంబు రమ్యంగా ముగిసే .. రామచంద్రుడే నీ కౌగిటన ఒదిగే … స్వామి కార్యము సఫలంబు చేసి … ఆదరించిన స్వామి దయచూడవయ్యా ! మంగళం మంగళం అభయాంజనేయ మంచాలకట్ట మహిమాంజనేయ అంజన్న అంజన్న అన్నంత చాలు … అందరికి కలిగేను ఎనలేని మేలు .. ద్రవ్యమూ ధైర్యమూ ,దేహ ధారుడ్యము … శౌర్యము ,శ్రియము, అత్యంత హర్షము … సంతాన సాఫల్య సంవృద్ధి ఫలము … ఆశ్రితులందరికి కొంగు బంగారము .. చెడు దృష్టి అంతము .. శుభ దృష్టి ప్రాప్తము … గ్రహ దృష్టి, గృహ వృష్టి .. అనుకూలమంతయు కలిగించు మా స్వామి దయచూడవయ్యా మంగళం మంగళం అభయాంజనేయ మంచాలకట్ట మహిమాంజనేయ మంగళం మంగళం అభయాంజనేయ మంచాలకట్ట మహిమాంజనేయ మంగళం మంగళం అభయాంజనేయ , మంచాలకట్ట మహిమాంజనేయ..